Mae Grŵp Peirianneg Arfordirol Bae Abertawe a Chaerfyrddin (yn cynnwys cynrychiolwyr o awdurdodau arfordirol lleol, awdurdodau cynllunio, Cyfoeth Naturiol Cymru a sefydliadau eraill) yn cydweithio i gydlynu rheolaeth strategol o arfordir De Cymru, rhwng Trwyn Larnog (Bro Morgannwg) a Phenrhyn Santes Ann (Sir Benfro), nawr ac i'r dyfodol. Mae'r Cynllun Rheoli Traethlin (CRhT2) yn ddogfen bolisi  erydu arfordirol a rheoli perygl llifogydd lefel uchel, sy'n helpu i'n harwain yn y dasg hon.

Mae'r arfordir yn newid. Mae wedi bod ac fe fydd bob amser. Bydd newid hinsawdd a lefel y môr yn codi yn parhau i gynyddu'r perygl o lifogydd ac erydu ar yr arfordir, gan effeithio ar y mannau lle mae pobl yn byw, gweithio a chwarae. Felly efallai y bydd angen newid y ffordd y caiff amddiffynfeydd a'r arfordir eu rheoli yn y dyfodol.

Mae'r grŵp wedi'i nodi yn y Strategaeth Genedlaethol ar gyfer Rheoli Perygl Llifogydd ac Erydu Arfordirol yng Nghymru fel sefydliad arweiniol ar gyfer pedwar mesur ac mae'n chwarae rhan weithredol fel aelod o Fforwm Grŵp Arfordirol Cymru.